yhoyland skrev:Da var tiden kommet for de store spørsmålene...!
For meg er det to typar musikk, med tekst og utan tekst.
Med tekst meinar eg ikkje nødvendigvis at nokon syng, men at dei har noko på hjarta. Dersom teksten er klistra på for å ha noko å synga, betraktar eg stemma meir som melodiinstrument, og miksar deretter.
Eg jobbar mest i den første kategorien, med teater og viser, og då blir det alltid teksten som legg føringar på arrangement og miks.
Typiske spørmål kan til dømes vera:
- Korleis få fram vendepunktet i vers tre?
- Ordet "likegyldig" er tenkt som eit mantra i denne songen, koss få fram det i miksen?
- Kossen sluttar førre song, eller byrjar den neste, eller den siste? Går det an å laga linjer?
- Er det nokre frekvensar i gitaren der som kan vera med å styrka den nådelause stemninga teksten formidlar?
- Korleis kan eg bygga opp om irionien i denne songen? Eller kler den best eit naivistisk uttrykk, som kontrast?
No jobbar eg ofte både med arrangement og miks om einannan, og slike spørsmål bør ein jo vanlegvis ta tak i allereie i arrangementet.
Tankar frå djupet - slik lever me her